Atorfillit paasinangitsumik naveerneqarsoripput

Ilinniagartuut kattuffiata Djøfip siulittaasua Sidsel Marie Kjems oqarpoq Simon Olsenip aalisarnermut piniarnermullu naalakkersuisuujunnaarneranut atatillugu naalakkersuisut siulittaasuata Hans Enoksenip Siumut immikkoortortaqarfiinut allagaqarnermini Atuagalliutinilu ippassaq saqqummersuni pisortaqarfiup atorfilittaanut pisuutitsinera pissusissamisuunngitsoq.

Ilinniagartuut isumaqarput taamaaliorneq atorfilittanut tusagassiorfiit aqqutigalugit naveersinerusoq, sunalu naveersissutigineraa erseqqarlulluni.

Simon Olsenip aalisarnermut piniarnermullu naalakkersuisuugallarmat naalakkersuisoqarfik atorfilittallu suliaat tamaasa inatsisit malillugit akisussaaffigigai.

Naamminersornerullutik Oqartussani atorfillit ilaat kukkussuteqarsimagaangata paasiniaqqissaarneqartarpoq, akisussaaffillu sumiinersoq paasiniarneqartarpoq, susassaqartullu ilisimatinneqartartut.

Namminersornerullutik Oqartussani atorfillit ilungersoreeqisut pisuutitsineq toqqissisimajunnaarutigisinnaagaat, atorfillit kattuffiata siulittaasua Sidsel Marie Kjems ilanngullguu oqaatigaa.

Ilinniagartuut kattuffiata Djøfip Namminersornerullutik Oqartussani suleqatigiinnissamut ataatsimiititaliami pisuutitsiniarneq eqqartortinniarpaa.