Atorfillit Kattuffiat eqqartuussivilersuussilerpoq

novembarip 08-at 2006 11:16

Atorfillit kattuffiat AK, Namminersornerullutik oqartussat akissaatit pillugit isumaqatigiiniartartuinut eqqartuusivilersuusilerpoq, taamaalilluni kattuffiit pingasut Namminersornerullutik oqartussanut eqqartuusivikkut aaliangigassamik suliakkiiput.

Isumaqatigiiniartartut nammineerlutik isumaqatigiissummik taamaatitsisimanerarlugit Atorfillit kattuffiani siulittaasoq Erik Hammeken oqarpoq. Tassani tapeq isumaqatigiissutaareersoq peerneqarsimaneragaalluni.

Peqqinisaqarfimmiut, iliniagartuullu kattuffiat aamma isumaqatigiiniartartunik naamaginninngillat. Peqqinnissaqarfimmiut Namminersornerullutik Oqartussanut pasilliutigaat tunngaviusumik isumaqatigiissut peerniarsimagaat, suliat kinguarsarneqarmata.

Ilinniagartuut kattuffiata Namminersornerullutik oqartussat isumaqatigiiniartartui, isumaqatigiissutit oqaasertaanik paasinninnginerarlugit unnerluutigaat.