Atorfikkaajusimasoq atornerluisimasutut pasisaavoq
Paasissutissat Ilulissani politiit tunniussinnaasaat killeqarallarput annertuumik aningaasanik atornerluisoqarsimanera pillugu pasilliuteqarnermi. Qaasuitsup Kommuniani qaffasissumik atorfeqarsimasut ilaat tallimanngornermi ullaakkut tigusarineqarpoq. Pineqartoq pasineqarpoq annertuumik aningaasanik atornerluisimasutut.
Qaasuitsup Kommunia allakatigut politiinut nalunaarutiginnippoq pingasunngorneq novembarip pingajuat tigusarinninnerlu pivoq tallimanngornerup ullaavani.
- Tillinneqarsimasut amerlanersaat Ilulissat sumiiffinni arlalinni misissuinerni nassaarineqarput, Avannaani politiit taama nalunaarput.
Pasineqartoq ullumi nalunaaqutaq 12.40 iperagaaqqippoq. Politiit naatsorsuutigaat ulluni tullerni paasiniaaneq naammassiumaartoq.
Suliaq pillugu politiit oqaaseqaqqikkumanngikkallarput.
