Atomip nukinga isumaqatigiissutigisinnaanngilaat
Iran atomi pillugu ullumikkut isumaqatigiissuteqarfigineqanngitsoorpoq.
Allattoq Elisa Isaksen
juulip 19-at 2008 16:59
Iranip atomip nukinganik ingerlatsinera aaqqiagiinngissutaaqisoq pillugu, Europamiut, Amerikamiut Iranimiullu sinnerlugit isumaqatigiinniartitat ullumi Geneve-mi naapikkaluarput. Tamannali angusaqarfiunngitsoorpoq.
Nunat arlallit USA siuttuliullugu Iran, uran atorlugu atomip nukinganik qaartartuliorsoralugu annilaanngatigaat. Tamannali Iranip ilumuunnginnerarpaa, atomip nukinganik ingerlatsinertik nukissiornerinnarmut tunngasuusoq oqaatigalugu.
Ataatsimiinnerup kingornagut EU-p isumaqatigiinniartitaata oqaatigaa, Iranimiut isumaqatigiinniartitaasa pisortaat, sapaatip akunneri marluk qaangiuppata oqaloqatigeqqinniarlugu isumaqatigiissuteqarfigigini.
