Atomip nukinga atorlugu suli arlaleriarlutik misileraallutik qaartartumeeriniarlutik, Korea Avannarliup amerikamiunit tusatsiakkat naapertorlugit Kinamut nalunaarsimaneragaanera,
Korea Kujallermi nunanut allanut ministerimut sinniisussaata ullumi ilumuunnginnerarpaa.
Amerikamiut TV-qarfiata, NBC-p, ippassaq tamanna oqaluttuarigaluarpaa, amerikamiut atorfilittat kinaassutsiminnik isertuussisut tusarfittut atorlugit. NBC-p ataasinngormat aamma oqaluttuaraa, amerikamiut satellit atorlugu isertortumik paasiniaassutaata atomip nukinga atorlugu Korea Avannarlermi qaartitsiviusimasup nalaani sakkussanik assartuisoqartoq takuneqarsinnaasimasoq.
- Nalunaarut tunngavissaqanngilaq. Kina taama nalunaarfigineqarnikuunngilaq, Kinami nunanut allanut ministerimut sinniisussaq oqarpoq.
Kina nammineq nipaqanngittuarsinnarpoq.