Politikkikkut paarlangasumik attuumassuteqartarneq,
Folketingimi qinersisoqareerpat Atlantikup Avannaani Suleqatigiit samminiaraat tassani ilaasortat nalunaarput.
Atlantikup avannaani qinikkat suleqatigiiffiata ataannarnissaa anguniarneqarpoq, tassanilu politikikkut illuatungeriit soorlu IA Demokraatillu Folketingimiititaqalissagaluarunik suleqatigiissinnaanerat eqqartorneqarluni.
- Suleqatigiinnissamut isumaqatigiissutip imarissavaa politikkimi sorlermi inissisimaneq apeqqutaatinnagu suleqatigiittarnissaq Atlantikup Avannaani Suleqatigiit nalunaarput.
Suleqatigiinnissamik isumaqatigiissutip 2001-meersup ataannarnissaa neriuutigineqarpoq, isumaqartoqarluni suleqatigiinneq iluaqutigalugu, ilaatigut Savalimmiuni nunatsinnilu arfanniarneq maluginiarneqarnerulersoq, namminersulernissarlu pillugu oqariartuutit tusaaniarneqarnerulerlutik.
Atlantikup avannaani qinikkat suleqatigiiffiani ilaasortaapput Siumumeersoq Lars-Emil Johansen, Inuit Ataqatigiinneersoq Kuupik Kleist, Savalimmiunilu Republikanerineersoq Høgni Hoydahl. Taakku tamarmik Folketing-mut qinigassanngorteqqipput.