Atlantikup Avannaamiut unnukkut kulturisiortinneqassapput
Odensemi Kalaallit Illuutaat aaqqissuussiniarpoq Islandimiut peqatigiiffiat, Savalimmiormiut peqatigiiffiat aamma Odensemi kalaallit ilinniagaqartut peqatigiiffiat suleqatigalugit 2007-imi Atlantikup Avannaamiut unnukkut kulturisiornerat – Oqaluttuarnerup Silarsuaa-nik taallugu. Erinarsortartut Aviaaja Lumholt aamma Rasmus Lyberth unnuk taanna ilaatigut aliikkusersuissapput.
Aaqqissuussinermi Odensemi umiarsualivimmi Atlantikup Avannaamiut Illuannik sananissamut pilersaarutit aammattaaq misissuataarneqarsinnaassapput. Illu taanna Savalimmiormiut, Kalaallit Islandimiullu Danmarkimi inuppalaartumik kulturikkullu naapittarfiattut atorneqassaaq.