Folketingimut qinersineq: Atlantikup avannaamiut qineqqusaartut tikkuaanissaat pillugu aalassassimaneq Lars Løkkep pisuussutiginerarpaa

Kalaallit savalimmiormiullu Folketingimut qinigassanngortittut isumaqatigiinniarnerit tunngavigalugit qinersinerup kingorna kiap ministeriunerussaneranik tikkuaanissaat ministeriunerup pisuussutiginerarpaa. Mette Frederiksenilli (S) tamanna Folketingimi nalinginnaaleraluttuinnartuunerarpaa.

Qinersinerup kingorna kina ministeriunerussanersoq tikkuaalerunik isumaqatigiinniarnerit tunngavigissallugit Kalaallit Folketingimut qinigassanngortitaasa tulleriiaarlutik nalunaarutiginninnerannut danskit naalakkersuisorisaat massakkut aallaaviupput.  

KNR-imit apersorneqarnermini ministeriuneq Lars Løkke Rasmussen (V) oqarpoq.

- Qinigaaffimmi massakkut atuuttumi naalakkersuisuni marlunni ministeriuneruffigisanni naalagaaffeqatigiinneq pillugu suliniuteqarluartumik politikkeqarniarnitsinnut takussutissaavoq. 

AAMMA ATUARUK Folketingimut ilaasortap Savilimmiuneersup Mette Frederiksen statsministerissatut tapersersorpaa

Folketingimi politikerit Atlantikup avannaamiut sisamat tamarmik nunaminni partiit socialistiskiusut ilasortaaffigaat.  

Taakkunanngali ataasiinnaap, Sjurdur Skaalep Javnaðarflokkurinimeersup, Socialdemokratit Savalimmiuni suleqatigisaa, erseqqissumik Mette Frederiksen (S) ministeriunissatut tapersersorniarpaa.

Tamannalu isumaqarpoq Atlantikup avannaa napillugu suleqatigiinneq Danmarkimi iligiiaarlutik politikkeqarnermit pingaarnerusoq, Lars Løkke Rasmussen oqarpoq.

- Tamatumami ersersippaa naalakkersuisunik atuuttunik suleqateqarluarsimanermik misigisaqaramik - Atlantikup avannaani ilaasortat nammineq oqarnerattut, Lars Løkke Rasmussen oqarpoq.

- Taama misigisimanngikkunik politikkimik sammisaqarfimmi saamerlertut inissisimajuarsimasut uanga nangillunga ministeriunerunissara eqqarsaatigisimanavianngilluinnaraluarpaat.  Tamannalu ilumut nuannaarutiginerpaavara, nangippoq.

Mette Frederiksen: Atlantikup avannaamiut nalitsinni isumaliortaaseq malippaat

Socialdemokratilli siulitaasuata, Mette Frederiksenip, tamanna taama nassuiaateqartinngilaa. Danskit politikkimik ingerlatsisuisa akornini nalitsinni nalinginnaasumik isumaliortaaseqalerneq pissutaavoq, Mette Frederiksen isumaqarpoq.  

Danskit partiivi arlallit ukiup kingulliup ingerlanerani nalunaarput partiiminni siulittaasoq ministeriunissatut tikkuarniarlugu. Tassaapput Alternativet aamma Enhedslisten.

Aamma Socialdemokratit nalunaarput qinersinerup kingorna tapersersorneqassappat kisimiillutik naalakkersuisuutitaqarniarlutik. 

Radikale Venstre nalunaarput Mette Frederiksen ministeriunissatut tikkuarniarlugu aatsaat Dansk Folkeparti nalakkersuisunngortussanut ilaatinneqassanngippat.

AAMMA ATUARUK Socialdemokraatit suleqatigissallugit aalajangiutereerpavut

- Folketingimi massakkorpiaq pisunik nangitsineruvoq, isumaqarpungalu amerlanerussuteqartut qanorluunniit isikkoqaraluarpata qinersinerup kingorna isumaqatigiinniartoqassasoq. Atlantikup avannaani qinikkat isumartik malillugu imminnut pitsaanerusumik aqqutissarsiorsinnaapput, Mette Frederiksen KNR-imut oqarpoq.

Atlantikulli avannaani qinersisartut taamatut isumaqatiginninniutissatut isummerfigimmassuk eqqarsarnartuunngila imaluunniit ileranartuunngila, aallaavittulli ima oqarnatik: 'Socialdemokratit naalakkersuisuunissaat tapersersorparput?'

- Ministeriunissamik nutaamik tapersersuinermik siumoortumik nalunaaruteqarnissaq soorunami pilerunarnerutippara. Isumaqarpunga taamaaliorneq Danmarkimuinnaanngitsoq, aammali naalagaaffeqatigiinnitsinnut tamarmut iluaqutaassasoq. Uangali suliassarinngilara savalimmiormiut kalaallilluunniit partiivini qanoq iliortoqassanersoq aalajangissallugu, Mette Frederiksen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat