Atlantikup Avannaamiut illussaat saqqummiunneqalerpoq
Illussap titartarneqarnerata saqqummiunneqarnissaanut atatillgu, Odensep kommuneani kulturi illoqarfillu pillugit ataatsimiititaliami rådmandip Steen Møllerip Inatsisartut siulittasuat Josef Motzfeldt, illussap inissisimaffissaanut takornariartippaa, illussap inississimaffissaa taaguuteqartinneqarpoq, illoqarfiup qeqertaa.
-Illu atuleriarpat, Odensemi innutaasut nunanut atlantikup avannaaniittunut attaveqarnerulernissaat naatsorsuutigilluinnarpara, tamannalu tamatta iluaqutigissavarput, Odensep kommuneani illussami akisussaasuusoq, aamma siulersuisuni siullitaasuusoq Steen Møller oqarpoq.
Atlantikup avannaamiut illussaat Odensemiittussaq, nunat atlantikup avannaamiunut innutaasunullu danskiusunut ataatsimoorfiulernissaa neriuutigara, Steen Møller tusagassiuutinut nalunaaruteqarlui taamatut allappoq.
Kulturi, siunnersuisarneq , peqatigiiffilerineq ataatsimoorlunilu pisoqartillugu, kateriffeqalernissaq neriuutigineqarmat.
Atlantikup avannaamiut illusaanni neriniartarfeqassaaq, tassani Kalaallit, Savalimmmiormiut Island-imiullu nerisassaataat pingaarnerutinneqassallutik.
Kalaallit Illuat Odensemiittoq illut najugagaqarfiit ilaaani ukiuni 30-ni iinissisimasimavoq, taanna nunat atlantikup avannaamiut illussaannut Odense-p umiarsualivianiittussamut nuussaaq.
Nuna atlantikup avannaamiut kulturertik ataatsimoortarnertik takutitassatillu pillugit Odensermiunut takutitsinissaannut qilanaarpugut.
- Kalaallit Illuat Odense-mi Hunderupvej-imiittoq mikivallaalernikuummat, atlantikup avannaamiut illoqalernissaannut qilanaarpugut, tassanimi Islandimiut Savalimmiormilllu illoqaritilertussaavagut, Odensemi Kalaallit Iluanni pisortaq Kirsten Mærsk nuannaaqaluni taamatut oqarpoq.
Illup sanaartorneqarnissaanut suliarinittussatut piukkunneqartut, suliffeqarfiit sisamat, sanaartortussatut toqqarneqarnissartik utaqqivaat, tamannalu tallimanngorpat pissaaq.
Illu Atlantikup avannaamiut illussaat Odensemiittussaq aappaagu 2013-ip ukiassaani naammassineqarnissaa naatsorsuutigineqarpoq.
