Atlantikup Avannaamiut Illussaannik Odensimiittumik nappaanersiorneq

Atlantikup Avannaamiut illussaata Odensep umiarsualivianiittup sanaartorneqarnera naammassiartulerpoq, ullumilu nalunaaqutaq marlunut katersuuttarfissaq nappaanersiorneqassaaq.
maajip 07-at 2013 06:37

Illup pisortartaassaa, Kirsten Mærsk, qilanaartupilussuuvoq.

- Illutaassaq ilusinikkiartulerpoq. Ilinniartut ineqarfissaat, saqqummersitsisarfissarput neriniartarfimmiillu isikkivik takuneqarsinnaalereerput. Alutorsaatigineqaqaaq, aamma illup novembarimi ammarneqarnissaa inuit qilanaarisupilussuuaat, oqarpoq.

Illup iluata kusassarnera piareersarneqalereerpoq. Energy Fynip tunissuteqarneratigut qulliit kassutut ilusilersukkat suliarineqarnissaat qulakkeerneqarpoq, arnallu Kalaallit Nunaanneersut, Savalimmiuneersut Islandimeersullu qimusseq assitaliullugu nunat atlantikup avannaamiut pingasut imminnut attavilerniarlugit maanna qilattaallutik suliaqarput.

Ullumikkulli nappaanersiornissaq pineqarpoq, rådmand Steen Møller, Atlantikup Avannaamiut Illuata siulersuisuini siulittaasoq, oqalugiarluni ammaassaaq. Sanasullu pinerullugit pølsinik, immiaaqqanik sodavandinillu sassaalliisoqassaaq.

Atlantikup Avannaamiut illussaat illuliassanik titartaasartunit Isager Arkitekterimit Cornelius + Vöge peqatigalugu, ilaatigut savalimmiormiut illulioriaasiat isumassarsiorfigalugu titartarneqarsimavoq. Illu 48 millioner koruunit missaanik akeqassaaq, aningaasallu ilaat Kalaallit Illuutata Hunderupvejimiittup maanna tuniniarneqartup tunineratigut pissarsiarineqassallutik.

Atlantikup Avannaamiut Illuutaat neriniartarfimmik ingerlatsisussamik maannakkorpiaq pissarsiorpoq. Nittartakkami nordatlantiskhus.dk-mi paasissutissanik amerlanerusunik pissarsisinnaavutit, aamma sanaartorneq webcamikkut malittarisinnaavat.