Atlantikup avannaamiut Folketingimi inissipput
Atlantikup Avannaani Suleqatigiit Folketingimi ataatsimiititaliani tallimani inissarsipput. Tamanna pivoq Socialdemokratinik, Radikalinik, SF-nik Enhedslistimillu teknikikkut suleqatigiinnikkut.
Ataatsimiititaliat ilaasortanngorfigisaat tassaapput nunanut allanut ataatsimiittartoqatigiit Udenrigspolitisk Nævn, Politikimut Aningaasarsiornermullu Ataatsimiititaliaq, Avatangiisinut Ataatsimiititaliaq, Kalaallit Nunaannut Ataatsimiititaliaq kiisalu Savalimmiut pillugit Ataatsimiititaliaq.
Lars-Emil Johansen suleqatigiiffimmi ataqatigiissaarisussatut toqqarneqartoq nunanut allanut tunngasunik ataatsimiittartuni ilaasortanngorpoq, Kuupik Kleist avatangiisinut ataatsimiititaliami inissilluni. Taakku tamarmik nunarput pillugu ataatsimiititaliamissaaq ilaasortanngorput.
Issittumi Siunnersuisoqatigiit ataanni qinikkat ataatsimiittartoqatigiivini aamma inissamik pinnapput, tassunga Kuupik Kleist aallartitaasassalluni.
Savalimmiormiu Høgni Hoydahl Politisk-Økonomisk udvalgimi ilaasortanngorpoq, Savalimmiullu pillugit ataatsimiititaliami aamma ilaasortanngorluni.
Tamakku saniatigut Atlantikup Avannaani Suleqatigiit marlunnik sinniisuffeqalerout tassa ilisimatusarnermut teknologimullu ataatsimiititaliami kiisalu Nunat Avannarliit Siunnersuisoqatigiiffianni, Nordisk Rådimi.