Atlantikup avannaamiunit Thorning tapersersorluarneqarpoq
Appalaartunik taaneqartartut Danmarkimi naalakkersuisunngortitseqqinnissaasa qulakkeerneqarnissaat pissangunarpoq ullumikkutut atlantikup avannaamiunit taperserneqartumik.
Savalimmiuni isumasiuneq nutaarluinnaq aviisit annersaannit Sosialurinimit suliarineqarsimasoq taama ersersitsivoq.
Isumasiuinerit takutippaat savalimmiuni partii Javnadarflokkurin, Socialdemokratinik suleqateqartoq, Folketingimi qinersinermi taaneqarnerpaajussasoq. Tulliatut taaneqarnerpaassangatinneqarpoq liberaleusoq, Sambandspartiet Venstrenik tapersersuisoq.
Ileqqutoqaavoq partiit Kalaallit Nunaanneersut Folketingimi socialdemokratinik tapersersuisarnerat. Taamaalilluni Helle Thorning-Schmidtip Atlantikup avannaamiunit sisamaasunit pingasunit taperserneqarnissani qulakkeersimagunarpaa.
Ilaasortat taavanngaanneersut qinersinerit arlaqartut kingorna kina ministeriunerup allaffianut isertissanersoq aalajangiiffigisarsimavaat.
Qinersisartunik isumasiuneq kingulleq savalimmiormiunut immikkut soqutiginaateqarpoq, taakkumi kingusinnerpaamik oktobarimi Inatsisartunut qinersisussaapput.
Isumasiuineruttaaq ersersippaa, talerperliuniat partiiata Sambandspartiip maanna naalakkersuisuutitaqartup, lagmand Kai Leo Johannesen siuttoralugu, pissaanini annaajumaaraa.
Kisiannili isumasiuineq eqquutissappat taakku maanna Folketinngimiititartik annaanavianngilaat.
Folketingimut kingusinnerpaamik septembarip 15-ianni qinersineqassaaq.