Atlantic Airways sinneqartoorpoq
2006-imut naleqqiullugu arfinileriaammik sinneqartoornermut timmisartuutigisat atorluarsimaneri pissutaatinneqarput.
Isertitat affaat Savalimmiuniit Savalimmiunullu timmisartuussisarnernit isertinneqarsimapput, affaalu timmisartuutigisat assigiinngitsutigut attartortittarnerisigut isertinneqarsimallutik.
Attartortitsinissamut isumaqatigiissut kingulleq soorlu eqqaassagaanni, tassani timmisartuutit SAS-ip Københavnimiit Londonimut, Birminghamimut Stavangerimullu angallassisarnerinut atugassanngorlugit attartortinneqarput.
Sapaatip akunnerisa arlaqangitsut matuma siorna Atlantic Airways timmisartumik A319-imik 2011-mi pisinissaminut Airbusimik isumaqatigiissuteqarpoq, allamillu assinganik pisiarinneqaarsinnaanermut isumaqatigiissuteqarluni. A319 Airbusjetiuvoq mikisunnguaq, 145-nik ilaasoqarsinnaasoq.
Atlantic Airwaysimi pisortaq, Magni Arge, Ritzauimut oqarpoq, neriuutigalugu nutaamik timmisartuutitaarnermik nalaani Vágar-imi mittarfiup allilerneqarnera naammassissasoq.