Amerikami tamarmi ammip qalipaataanik assigiinngisitsineq politiillu peqqarniisaartarnerat, kiisalu taartumik amillip George Floyedp toqutaanerata kingorna akerliussutsimik takutitsinerit Brooksip toqutaanerata kingorna sakkortuneruleqqipput. George Floyd Minneapolisimi politiinit tigusarineqanermini maajip ulluisa 25-anni toquvoq.Assi: Elijah Nouvelage/Reuters/Ritzau Scanpix

Atlantami angutip taartumik amillip qitikkut aallaaneqarnini toqqutigigaa

27-nik ukiulik Rayshard Brooks toqusimasunik misissuisartut nalunaarusiaat naapertorlugu politiimit qitikkut marloriarluni aallaaneqarpoq.

Amerikami naalagaaffimmi Atlantimi taartumik amilik Rayshard Brooks politiinit tigusariniarneqarnerani marloriarluni aallaaneqarnermi kingorna toquvoq. Tamanna toqusimasunik misissuisartut nalunaarusiaanni qulakkeerneqarpoq.

27-nik ukiulik Brooks aaverulluni timimigullu ajoqusernermi kingorna toqusoq, toqusimasunik misissuisartut nalunaarusiaanni qulakkeerneqarpoq.

Amerikami tamarmi ammip qalipaataanik assigiinngisitsineq politiillu peqqarniisaartarnerat, kiisalu taartumik amillip George Floyedp toqutaanerata kingorna akerliussutsimik takutitsinerit Brooksip toqutaanerata kingorna sakkortuneruleqqipput. George Floyd Minneapolisimi politiinit tigusarineqanermini maajip ulluisa 25-anni toquvoq.

AAMMA ATUARUK Atlantami politiit pisortaat taartumik amilik inuartarineqarnera pissutigalugu tunuartoq

Raysard Brook politiinit tigusarineqarnermini akiuussimavoq. Politeeq Rayshard Brooksimik aallaannittoq toqutsisorlu soraarsitaavoq, politeerlu suleqaataasoq suliunnaarallartitaalluni.

Atlantami politiit pisortaat Erika Shields suliffimminit pisoq pillugu arfininngornermi soraarpoq.

Brooksip politiinit toqutaanera pillugu Atlantami sapaatit akunnerata naanerani akerliussutsimik takutitsisoqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat