Atertarmiut utertoortussat oqiliallattut

Inissiaatileqatigiiffiup INI-p Nuummi immikkoortortaqarfiani Atertami inissianik attartortut ineqarnerminnut ukiuni arfineq-marlunni akiliivallaartarsimapput, Østre Landsret ippassaq taama aalajangiivoq. Aalajangernerlu ajugaanertut annertuutut oqaatigisariaqartoq Atertaq pillugu aallaqqaataaniit ullumimut sulissutiginneqataasoq, Atertamilu najugalik Martin Ben Shalmi oqarpoq:

- Suliap taama naammassineqarnera nuannaarutigaara naammagisimaarlugulu. Suliap takutippaa inuiaqatigiinni annertoorsuartut inissisimasunut, inuinnaat illutungiliussinnaanerat periarfissaqartoq patajaatsumillu sulissutiginnikkaanni ajugaasoqarsinnaasoq, Martin Ben Shalmi oqarpoq.

Ikinnerpaamik akunnerit 1200-it suliamut  atorsimanerarpai inerneralu oqiliallaatiginerarlugu. Atertami najugaqarfimmik ingerlatsinermut annertunaarlugu INI-mit akilitigitinneqarsimasut 2 million koruunit missaaniittut Atertami ineqartunut 114-iusunut agguaanneqassapput. Atertami najugaqarsimasoq suliamillu aallartitseqataasimasoq Erik H.K. Heilmann Atertap Østre landsrettimi akuerineqarnera pillugu ima oqarpoq:

- Assut toqqissiallannarpoq inatsisit malinneqartussaanerat matumani naqissuserneqarmat naak illuatungaani allamik isumaqartoqaraluartoq. Atertaq pillugu suliaq aallartimmat Erik H K Heilmann immikkoortortaqarfimmi siulittaasuusimavoq, suliarlu aallartimmat immikkoortortami oqalillisigineqariarluni ineqartunit akuersissutigineqarmat aallartinneqarsimasoq oqaluttuaraa.

- Ineqartunut ilisimatitsissutigaarput isumaqaratta akiliisarpallaarluta. Taava INI aallaqqaammut isumaqatigiinniarfigingaluaparput angusaqarfiuvallaanngitsumik. INi annikittsuararsuarmik neqerooruteqaraluarpoq aalajangersimalluinnartumut taamaallaat atorneqarsinnaasunik, tamanna naammaginanngimmat eqqartuussisulersuussinermik suliaq aallartippoq, Erik H K Heilmann oqarpoq suliaq ineqartunut allanut sunniuteqartorujussuusussatut nalililerini.

INI-mi attartortut sineriak tamakkerlugu 11 000-it missaanniittunit amerlanerit utertitsiffigeqqulissappata, tamanna INI-mut 126 million koruuninik naleqariaannaasoq Martin Ben Shalmip oqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat