Atassutip suliffeqarfiit oqilisaassukkumagai

Taamaammallu Atassut Demokraatillu anguniakkani pineqartuni assigiimmik siunniussaqarnerat erserpoq.

Tamannalu Atassutip nuannaarutigaa.

- Atassup 90-ikkunnili oqariartuutigisarpaa ingerlatsiviit akileraarutaat appartinnissaa, taanna pimoorupparput ilungersuutigissallugulu. Maanna tusaasinnaavarput partii kisimiikkuunneáarpugut taamatut oqariartortoq. Tamanna pitsaasuuvoq, oqallinnissaq qilanaarnarneruliinnarpoq, Atassummi siulittaasoq Knud Kristiansen radio aviisimut taama oqarpoq.

Atassutikkut suliffeqarfinnik nutaanik aallartitsinissaq pilerinarsarneruniarlugu akileraanngikkallarsinnaanermik siunnersuuteqarput.

- Suliffeqarfiit nutaat ukioq ataaseq akileraartannginnissaannik oqariartuut miloriupparput. Neriuppugut Inatsisartu suleqqilerpata taanna tigulluarneqarumaartoq eqaatsumillu oqallisigineqarluni ,Knud Kristiansen oqarpoq.

Atassutikkut siunnersuutaat aningaasalerneqarnissai qanoq pissanersut ersarissumik oqaatiginngilaat. Taakkuali aalisarneq sukkasuumik aningaasanik isaatitsiffiusinnaasutut tikkuarpaa. Aningaasalli suminngaannerpiaq takkutissanersut erseqqissumik akisinnaanngilaat. Knud Kristiansenilli neriuutigaa Nunatta imartaani aalisarfiunngitsuni biologinik aalisagaqassutsip misissortinneratigut pisassiissutit amerlineqarsinnaanissai, aalisagaqarluartoq upperigamiuk.

Taassuma erseqqissarpaa aalisarneq aningaasarsiutaanerulernissaa neriuutaannaagallartoq.