Atassutip siulittaasussaa ataatsimeersuarnermi qinerneqassaaq
Atassutip siulittasuata, Finn Karlsenip qanittukkut tunuarnerata kinguneranik, partiip siulersuisuuneri aalajangerput, ataatsimeersuartoqassasoq Sisimiuni aggustip 29-ani aamma 30-ani.
Allattoq Jens Thorin
juunip 27-at 2009 18:15
Juunip aapaani qinersinermi Atassutip Inatsiartuni ilasortaatitai arfinilinniit pingasunut ikilillutik kinguariarujussuarnerata kinguneranik Finn Karlsen juunip 16-ani siulittaasutut tunuarpoq.
Qinersinerup kingorna Atassut IA-mik isumaqatigiinniaqateqaraluarpoq, kisianni nalakkersuisunngortitseqatigiinermi peqataassanani naggataaatigut aajangerluni.
Finn Karlsen-ip tunuarnerani partiip siulittaasuata tullia, Jensine Berthelsen, oqarpoq, siulittaasortik parteeqatiminnit siulersuisuunerit avaqqullugit tunuarsarneqarsimasoq.
Immikkut ittumik ataatsimeersuarneq Sisimiuni ingerlanneqassaaq, siulittaasussatullu sassarusuttut aggustip arfineq appaatinnagu Atassutip siulersuisuunerinut nalunaassapput
