Atassutip siulittaasua Inatsisartunut qinigaanngitsoorpoq
Atassutip siulittaasua Gerhardt Petersen ukiut aappassaa Inatsisartunut qinigaanngitsoorpoq. Atassutikkunni taaguunneqarnerpaat pingajoraat, partiili marluinnarnik ilaasortaatitaqartussanngormat partiip siulittaasuanut siullertut sinniisussatuinnaq inissippoq.
Steen Lynge
Allattoq Peter Troelsen, Simon Uldum
marsip 13-at 2013 01:19
Gerhardt Petersenip partiimi siulittaasuunini siornatigut unitsikkusuttarsimagaluarpaa, siulittaasunngortitsiniarnermili allanik qinigassanngortittoqartarsimanani. Atassut nukittoqqinniassappat partiip siuttuisa qullersaanni taarsiisoqartariaqarpoq, tamatumanilu Steen Lynge piukkunnarpaajorpasippoq. Qinersinermi taaguunneqarluarpoq Atassutillu qinigassanngortitaani taaguunneqarnerpaajulluni. Knud Kristiansen aamma qinigaanngitsoorpoq, Atassullu sinnerlugu Inatsisartuni ilaasortanngortut tassaapput Siverth K. Heilmann aamma Steen Lynge.
