Atassutip politikkia 80´kornisaavallaarpoq

Atassutip inuusuttaasa kattuffiani siulittaasoq Knud Christiansen, Atassutip partiiani siulittaasumut tullinngormat, Atassutip inuusuttortaasa kattuffiani siulittaasutut kingoraartigivaa ukiuni arlalinni nunaqarfimmi aqutsisuni ilaasortaasarsimasoq, Karl Peter Grim, nunaqarfimmi Upernavik kujallermeersoq. Taannalu isumaqarpoq Atassutip politikkia nutartertariaqartoq.

- Ukiuni kingulerni atassutip politikkia 80´kkornisaavaallaarsimaqaaq, politikkittalu nutarterniarneqalernera iluarisimaarnarpoq, peqataanissarpullu erinigeqaarput. Atassutip inuusuttaasa siulittaasoriligaat, Karl Peter Grim oqarpoq nangillunilu;- Aamma meeqqanut inuusuttunullu nuna tamakkerlugu politikkip ersarinnerulernissaa kissaatigaarput, annerusumik inuusuttut ilinniartitaanerat eqqarsaatigalugu ilinnialersussat praktikkerfissaaleqisarnerat aaqqinniarneqartariaqarpoq, Naalakkersuisummi oqaannarsinnaanngillat inuusuttut ilinniartariaqartut praktikkerfissaqartinnagillu. Taama oqarpoq Atassutip inuusuttaasa kattuffianni siulittaasunngortoq, Karl Peter Grim.