Atassutip Lars-Emil taperserpaa

maajip 06-at 2007 13:25

Lars-Emil Johansenip ippassaq radio aviisimi angallanneq pillugu oqaaseqarnera,

Atassut sinnerlugu inatsisartuni ilaasortaq Kristian Jeremiassen tapersiilluni allappoq Lars-Emil Johansenip oqarnera Atassutip politikkianut naapitsinerusoq annertooq.

Kristian Jerimiassen allappoq, angallasseriaaseq kukkusoq eqqunngitsorlu nunatsinni atulersimasoq, taamaattumillu nunatsinni innuttaasut angalaniarnikkut periarfissaasa aaqqinneqartariaqarnerannik Naalakkersuisunut ilaasortap oqarnera isumaqatigilluinnarini.

- Politikerimmi suliassarivarput kukkussutit suliarisimasat ilinniutigalugit aaqqittarnissaat, periarfissaasariaqarpormi akissaatikinnerpaat innuttaasullu tamaasa eqqarsaatigalugit angallannerup ajorteriarsimasup aaqqinneqarnissaa Kristian Jerimiassen ilaatigut taama allappoq