Atassutip Inuusuttai isumasioqatigeeqqammerput
Atassutip Inuusuttaasa isumasioqatigiinneranni, sinerissamit peqataaffigineqartumi, apeqqutit assigiinngitsorpassuit sammineqarput, ilaatigut:
Aallartitaqarfimmit nukittorsaqatigiinnissaq, inuusuttut partiimi Atassummi nukittuumik sunniuteqaqataanissaat, Nunatta ingerlanera, inuiaqatigiinni ullumikkut ingerlaaseq, immikkoortortaqarfimmik nukittorsaaqqinnissaq, nunatsinni ineriartortitsinissamut peqataanissaq, suliffissaqarniarnikkut inuiaqatigiinnut tamanut inuussutissaqarniarnikkut inerisaaqataanissaq allallu.
Isumasioqatigiinnermini aamma suleqatigiissitaliortoqarpoq, ilaatigut ukiumut siunnerfilersorneq anguneqarluni.
Isumasioqatigiinnermi angusaqarluarfiusumik naammassineqartoq, Atassutip Inuusuttaani siulittaasoq Bebiane Petersen tusagassiorfinnut nalunaaruteqarluni taama allappoq.