Atassut: Uranimik piianissamut killiliussinissaq pisariaqarpoq
Aatsitassat USA-mi EU-milu piiarneqartut uranimik akuat 0,1 procentimik aamma 0,005 procentinik killilerneqarmata, Nunatsinni killiliussassamik eqqartuinissaq pisariaqartinneqarpoq.
USA-imi nunanilu EU-imi ilaasortat aatsitasanik piianermi uran-imik akoqartuni mississuiffineqarluareermata, nunat taakkua killiussaasa iluanni, nunatsinni eqqartuinissaq Atassutip tungaanit soqutineqarpoq. Siunissami inuussutissartitigut isertitassat eqqarsaatigalugit aatsitassanik piiaanermit isertitassat toqqammaviusussaamata, taakkkua nunatta karsianut annertunerusumik isertitsissutaanissaat Atassutip suliniutiginiarpaa, Atassutip siulittaasua Gerhardt Petersen oqarpoq.
Narsami Kuannersuarni uranip atorluarneqarnissaa pillugu innuttaasunik Narsap Katersortarfiani aqagu unnukkut ataatsimiititsisoqassaaq.
Ataatsimiititsinissaq Aatsitassanut Ikummatissanullu Pisortaqarfimmit aaqqissorneqassaaq, taakkulu qulakkeereerpaat sassartitassat tassaassasut uranisiornissaq pillugu illersuisut akerliusullu.