Atassut Tunumi ajorsarpoq Nalerarlu ajugaalluni
Partii Naleraq 2014-imut inatsisartunut qinersinermut sanilliullugu Tunumi marloriaammik ilami sinnerlugu taaguunneqarpoq.
Ittoqqortoormiini 334-nik taaguunneqarpoq, Tasiilamilu nunaqarfiit ilanngullugit Partii Naleraq taaguunneqarpoq.
Atassulli kinguariangaatsiarpoq. 2014-imi qinersinermi 323-iupput massakkut qinersinermi taamaallaat 48-sut.
Kinguariarnerannut pissutaavoq Tunumi 2014-imi taaguunneqarluarsimasup, Mala Høy Kukop Atassut siorna qimammagu Siumumullu nuulluni.
Mala Høy Kuko Atassut sinnerlugu 2014-imi Tunumi 294-nik taaguunneqarpoq, qinersinermilu matumani qinersisimi ilai nassarlugit - Siumut sinnerlugu qineqqusaarami 126-nik taamaallaat taaguunneqarpoq.
Siumulli Tunimi 599-nik taaguunneqarsimavoq taamaattumik Siumut tunumi partiini taaguunneqarnerpaavoq.