Atassut siulittaasumik ullumi qinersissaaq
Partii talerperliunerusoq, Atassut, nuna tamakkerlugu massakkorpiaq ataatsimeersuarpoq.
Atassutip naaalakkersuinikkut siunertarisaa nutaaq ataatsimeersuaqataasut ualimanna isumaqatigiissuteqarfigissavaat.
Neriuutigineqarpoq naalakkersuinikkut siunertaq nutaaq partiimi nutarterisinnaassasoq, tassami
Atassut qinersinerni kingullerni qinersisukilliartormat.
Atassut aamma siulittaasussarsiussaaq. Massakkut siulittaasuusoq, Augusta Salling, siulittaasuunerminit tunuarpoq, Qeqertarsuarmi borgmesteriunini kisiat aallukkumallugu.
Siulittaasunngorniuttut marluupput, tassalu Atassummi massakkut siulittaasup tullia Finn Karlsen, aamma Emilie Olsen Sisimiuneersoq.