Atassut sakkortuumik naammagittaalliorpoq
Naalakkersuisunut allakkani ammasuni Atassutip siulittaasuata Gerhardt Petersenip piumasaraa, tamatumunnga taarsiullugu aningaasat sumut atorniarneqarnersut nassuiarneqassasoq. Taassuma eqqumiigaa, Aningaasanut Inatsimmi kontomi pingaarnermi atugassanngortinneqartut allanngortinneqarsimanngimmata:
- Naalakkersuisut oqaasertaliussat taamaallaat ilanngarsimavaat, Gerhardt Petersen tikkuaavoq, tapiinissamullu periarfissat peerneqarnerat akuerineqarsinnaannginnerarlugu.
Gerhardt Petersenip eqqaamaqquaa, inuusuttut Nunatta avataani højskolersinnaanertik aqqutigalugu allamiut oqaasiinik ilinniarneq, nipilersornermik ilinniarneq aamma timersornermik ilinniarneq aqqutigalugit pikkoriffimmik qaffassaasarmata.
- Aningaasanut inatsisip kusanarnissaa piinnarlugu, inuusuttut periarfissanik taakkuninnga piiaaffiginissaat kukkunerujussuusoq, Atassutip siulittaasua allappoq.