Atassut: Hans Enoksenip akisussaassutsini takutittariaqarpaa

Royal Greenlandimi pisuni naalakkersuisut siulittaasuata Hans Enoksenip akisussaasuunini takutittariaqalerpaa.

Naalakkersuisuni ilaasortat Jørgen Wæver Johansenip aamma Johan Lund Olsenip illersorneqarsinnaangitsumik ingerlatsinerat Hans Enoksenip erseqqissumik nassuiaaffigisariaqaleraa Atassut isumaqarpoq. Atassutip inatsisartuni ilaasortaatitaanni gruppeformandi Finn Karlsen nalunaaqutaq aqqanermut apersoratsinni oqarpoq, Naalakkersuisut siulittaasuannut saaffiginnissutimik aappaata Wæver Johansenimit Lund Olsenimillu septembarip ulluisa 29-anni akineqarnera naammanngitsoq:

- Ukua allakkat erseqqissaatitut uagut tiguinnarparput. Uagununa Atassummit sulisut, pisortat, siulersuisullu eqqissinissaat anguniarlugu taama allagaqaqattaartugut erseqqissulioqqusilluta.

Naalakkersuisulli siulittaasuat akulerunneq ajorpoq. Akisussaasuummat taanna toqqarlugu allaffigisarparput, pingajussaa allagaqartut Atassutikkut taama ilisimatitsipput. Akineqanngikkunillu iliuuseqaqqinniarput.

- Inatsisinik atortitsinermut naalakkersuisoq Jørgen Wæver Johansen aamma inuussutissarsiutinut naalakkersuisoq Johan Lund Olsen nassuiaateqareerput. Aammali aalisarnermut naalakkersuisoq Simon Olsen ippassaani aalisarnermut politikki pillugu nassuiaasussaagaluarpoq, ilaatigut Royal Greenlandimik peqqusinermik imaqartumik.

Royal Greenlandip namminersortunngorsarneq eqqarsaatigalugu nunani allani niuernikkut suleqatissarsiornissani aallartissinnaagaanik imaqartoq.

-Isummat assigiinngimmata, naalakkersuisut siulittaasuannut saaffiginneqqipput kikkut eqqortumik oqalunnersut paaserusullugu, Finn Karlsen oqarpoq.