Atassut: Finn Karlsenimut inatsisartunullu utoqqatsertariaqarpusi

Inatsisartuni illuatunngiliuttut Finn Karlsenimut utoqqatsertariaqarput, taamatut isumaqarput naalakkersuisunut ilaasortap parteeqatai.

Inatsisartut ataatsimiinneranni illuatungiuliuttut aalisarnermut naalakkersuisumut tatiginninnginnermik taasisitseriaraluarput, eqqunngitsunik paasissutissiisimanermik inatsisartut oqaluttarfianniit paasissutissiimanerarlugu.

Tatiginninnginnermik taasisitsineq inatsisartuni ilaasortanit amerlannerussuteqartunit tassaluni naalakkersuisooqatigiinnit Atassummit Siumumillu itigartinneqarpoq.

Atassup inatsisartuni ilaasortaatitaat isumaqarput, tatiginninnginnermik taasisitsisoqarsimasariaqanngitsoq – Finn Karlsen imillu uppisitseriartitsinermut atorniarneqartup illuatungerisaanik takutitsimmat, Atassup inatsisartuni ilaasortaatitai sinnerlugit Emilie Olsen tusagassiuutinut allappoq.

Partiit pingasut taakkua inatsisartut ataatsimiinerat akornusersorpaat, Emilie Olsen Atassut sinnerlugu allappoq nangillunilu, Finn Karlsenimut inatsisartunullu Demokraatit Inuit Ataqatigiit Kattuseqatigiillu. utoqqatsertariaqarput, Emilie Olsen allappoq.