Siverth K. Heilmann Atassutip ataatsimeersuarnerani tullermi tunuarniarpoq

Atassut ataatsimeersuarnermi tullermi siulittaasortaassaaq

Ukiup tulliuttup ingerlanerani Siumut kisimi siulittaasortaassanngilaq.

Ilisimaneqartutut Kim Kielsen marlunngormat nalunaaruteqarpoq partiip tullianik ataatsimeersuarnissaani tunuarnuarluni.

Aamma Atassutip massakkut siulittaasuata Siverth K. Heilmannip tulliani Atassutip ataatsimeersuarnissaani, ukioq manna kingusinnerusukkut ingerlanneqaratarsinnaasumi siulittaasutut tunuarniarluni nalunaarutigaa,

Aviisimut Sermitsiaq.AG-mut taama oqaluttuarpoq

- Atassutip ataatsimeersuarnissaani tullermi siulittaasutut tunuarniarpunga, aviisimut internettikkut saqqummersartumut oqarpoq, kinali siulittaasussatut innersuunnerlugu oqaatigiumanagu.

Kisianni partiip neriulluaatigisaa 24-nik  ukiulik Bentiaraq Ottoseniussanngilaq.

Tassami taassuma inuussutissarsiornikkut aningaasaqarnermut ilisimatusarnermik ilinniagaqariartorluni Danmarkimut septemberimi nuukkallarniarluni ippassaq nalunaarutigaa.

Bentiaraq Ottosen Kommune Kujallermi kommunalbestyrelsemi ilaasortatut 1. september aallarnerfigalugu tunuarluni nalunaarutigaa.

Ilinniarnini ukiut arlaqartut qaanngiuppata naammassippat Kalaallit Nunaanut uteqqissalluni erseqqissaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat