Atassummi ilaasortaq: Inatsisartuni ataatsimiinnerit sivitsorneqartariaqarput
- Isumaqarpunga Inatsisartut ukiaq manna ataatsimiinnerannut tunngatillugu suliassat assigiinngitsut annertuut soorlulusooq suliaripallanneqartartut. Taamaattumik ataatsimiinnerit sivitsorneqartariqartut isumaqarpunga, Søren Alaufesen oqarpoq.
Inatsisartut ataatsimiilernerminni piffissarujussuaq atortaraat, ilaannikku naammassiniagassat assigiinngitsut unnussuarmut suliarisaraat, Atassutip siulittaasuata tikkuarpaa.
Inatsisartut siulittaasuata Ruth Heilmann-ip Søren Alaufesens isumaqatigaa, Inatsisartullu siunissami angisuunik pingaarutilinnillu suliassaqartut ilumoornerarlugu.
- Massakkut namminersornermut angerpugut. Alloriariaqqinnissattalu tulleraa, namminersorneq pillugu inatsisissap, 2009-mi juunip 21-ani atuutilinnginnerani, Inatsisartunit suliarineqarnissaa. Tamatuma kingorna akisussaaffiit soorliit nunatsinnut nussorneqarnissaat pillugu naalakkersuinikkut sulinissaq aallartissaaq, aamma piffissartornartussaq, Ruth Heilmann oqarpoq.
