Atammimmi toqutseriaraluartoqarpoq
Maniitsumi politiit angut 48-nik ukiulik angummik 57-inik ukiulimmik toqutseriarsimasutut pasillugu tigusarivaat. Toqutseriaraluarneq tallimanngornermi maajip qulingiluaanni Atammimmi pivoq.
Allattoq Louise M. Kleemann
- Pasineqartoq, pisup aqaguani killisiorneqartoq, sapaatip akunnerini sisamani tigummigallagassanngortinneqarpoq, politimesterip tullia Morten Nielsen Sermitsiamut oqarpoq.
Angutit pineqartut marluk oqqatilersimapput. Oqqannerminnilu pasineqartup savik tigoriarlugu 57-inik ukiulik qungasiatigut ikilerpaa.
Nakorsat marluk nunaqarfiliartipallannerisigut ikilerneqartoq piffissaq kingullerpaaq atorlugu annaanneqarpoq. 57-inik ukiulik ikilerneqartoq maanna ajunngitsoq oqaatigineqarpoq.
Savilersortoq juunip arfernanni eqqartuussivimmut sassartinneqassaaq.