Atammik puiornagu

- Saarullinnik pisassiisoqarnissaa sioqqullugu biologimik misissuisoqarsimanngilaq. Tamannalu pissusisissamisuunngilaq. Aalisartummi pisassiisoqarnerani annikitsuinnarmik pisassinneqarsimasut pisarisaraluamik ilaat qassutinik iperaqqittariaqartarlugit oqaluttuarput. Tamannalu nunaqarfimmi aalisarnermik inuussutissarsiuteqarniarnermut  kinguneqarnerlussinnaavoq. Pissutsimmi taamaaginnartillugit aalisarnerup iluani inuusunnerusunik sulisussaarunnermik kinguneqarsinnaavoq, Ruth Heilmann nunanaqarfimmi ataatsimiinnerup kingorna paasisaminik oqaluttuarpoq.

Nunaqarfimmi imeqarniarneq aamma ullutsinnut tulluutinngilaq. Innutaasumi amerlasuut imermik kuutsiinnariaannarmik angerlarsimaffimminni imeqannginnamik imertartortariaqartarput. Tamannalu peqqinnissamut sunniuteqanngitsoornavianngilaq.

-Atammimmi kigutilerisumik tikittoqartannginnera aamma ajornartorsiutaavoq. Ukiumummi kigutilerisumik tikittoqallatuaraangallunniit  nakorsiartarfimmi atortut naammanneq ajorput. Taamannalu nunaqarfimmiunut akisusinnaasarpoq. Kigutileritsinniarlutimmi namminneq akilikkaminnik Maniitsumut aallartariaqartaput.Maani aamma ineriartornissamik pisariaqartitsisoqarpoq, Ruth Heilmann nunaqarfik pisariaqartitsisoq inuttussutsimigullu inuttusiartortoq pillugu taama oqarpoq.