Atammik pinaveersaartitsinerlu
Maniitsup kommuneani pinaveersaartitsinermik suliaqartussamik Atammimmi atofinitsitsiniarnera sivisuumik inuttassarsiunneqareersoq, atorfinittoqartoq inunnik isumaginninnermut allaffimmi pisortaq, Sørine Petersen nalunaarpoq.
Pinaveersaartitsisussatut atorfinittussaq majip aallaqqaataani qaammammi siullermi Maniitsup kommuneaneeriarluni Atammimmut nuussasoq Sørine Petersen-mit oqaatitigineqarpoq.
Atammimmi kajumissutsiminnik suliaqartartut Maniitsumilu siunnersortit pinaveersaartitsisunngorlaap suleqatigissavai.
Ilaatigut sullitassarai kinguaassiutikkut atornerlugaasimasut.
Atammimmi pinaveersaartitsinissamik atorfinitsitsinissaq Maniitsumi kommunalbestyrelsep ukiortaariartorneranili aningaasaliiffigaat, qaammatinilu kingullerni sisamani atorfinittussamik ujaasisoqarsimalluni, atorfinitsitsinerlu majip aallaqqaataani pissaaq.