Ataavartumik ataatsimiititaliaq qulissaa

Nunatsinniit peqataapput ICC-p siulittaasua, Aqqaluk Lynge, Siulittaasoqarfimmi pisortaq, Sara Olsvig aamma siulersuisunut ilaasortaq, Hjalmar Dahl. ICC-miit Canadami Tjukotkamilu sinniisit aamma ataatsimeeqataapput.

Ataatsimiititaliami ilaasortat nutaat ippassaq ivertinneqarput - naggueqaterput Alaskameersoq, Dalee S. Dorough, Issittormiut sinnerlugit ukiuni aggersuni pingasuni ilaasortaasussaq taakkununnga ilaalluni.

Nunat inoqqaavisa kattuffii issittumeersut ataatsimut oqaaseqaataat Aqqaluk Lyngemit ippassaq saqqummiunneqarpoq. Issittumi Siunnersuisoqatigiit Nuummi ataatsimiissimanerani angusat oqaatigineqarput, aamma ICC-p pisuussutinik atuineq pillugu nalunaarutaa nutaaq Nuummi qanittukkut saqqummiunneqartoq oqaaseqaammi taaneqarluni.

Nunat inoqqaavinit nunanit tamalaaneersunit hornorujulikkaanik Ataavartumik Ataatsimiititaliami ukioq-manna najorneqarpoq, ataatsimiinnerlu nunatsinni sammineqangaatsiartunik imaqassaaq:

Nunat inoqqaavisa nunaanni aatsitassarsiorneq pisuussutinillu iluaquteqarniarneq.

Ataavartumik Ataatsimiititaliap ataatsimiinnera maajip ulluisa 27-anni naammassissaaq.

Ataatsimeersuarnermi pisut uani aamma malinnaaffigisinnaavatit:

http://www.un.org/esa/socdev/unpfii/en/session_tenth.html