Ataatsimut nalunaarusiaq Transparencyp upperineruaa

Siullermik Uranimik piiasinnaaneq Nunatta nammineq oqartussaaffigigaa, Namminersorlutik Oqartussat nammineq nalunaarusiarititaanni naqissuserneqarpoq.

Nalunaarusiap tulliani, Naalakkersuisut siuliisa danskillu naalakkersuisuisa peqatigiilutik suliaritaanni, illua tungerluinaanik inerniliisoqarpoq.

Nalunaarusiarli sorleq tutsuigineqartinerussallugu, Tranparency Internationalimeersup, Anders Meilvangip, qularutiginngilaa:

- Ilua tungeriik marluk isumaasa assiinngitsut aporaannerat uani ersippoq. Nalunaarusiarlu illua tungiit marluullutik isumaannik ilanngussiffiusoq soqutiginarnerpaavoq, Anders Meilvang oqarpoq.

Aatsitassaqarnermut naalakkersuisoq Jens Erik Kirkegaard taassunga akerliusumik isumaqarpoq, Namminersorlurik Oqartussat nammineq nalunaarusiarititaannut tusarnaarusunnerulluni. Erseqqissarpaa, uranimik avammut tuniniaasinnaaneq Nunatta oqartussaaffigigaa suli isumaqarfigigamiuk.

- Soorunami nalunarusiat marluk tamarmik naleqarput, inatsisartulli siorna nalunaarusiarititaat uranimut naaggaarluinnarnerup taamaatinneqarnissaaanik siunnersuuteqarnitsinnut soorunami tunngaviusunut ilaavoq. Jens-Erik Kirkegaard tusagassiortunik ippassaq aggersaaanerup kinguninngua taama oqarpoq.

Lettimiit nalunaarusiaq arlalinnit isornartorsiorneqartareeraluarpoq. Illuinnaasiornani kiffaanngissuseqarlunilu allagaasutut saqqummiunniarneqarpoq Kisianni Transperancy Greenland-imiit siusinerusukkut naqissusereerpaat, tamanna ilumoortuungitsoq.

Naalakkersuisut siulittaasuat Aleqa Hammond paragraf 37 atorlugu apeqquteqaammut akissuteqarnermini kingullikkut tamatumunnga akerliliivoq. Tassani erseqqissarpaa, nalunaarusiaq eqqartuussissuserisup misissuinerinngikkaa, taamaqammallu illuinnaasiortuunngitsoq.

Tamannali Anders Meilvangip maanna akerlilerpaa:

- Akissut taanna apeqqummut akinerunngilaq. Qanoq aperisoqarnersoq misissullannguarnagu, taava piuminarnersiorluni maluginiarpaa, eqqartuussissuserisup misissuineranut tunngasumik apeqquteqartoqartoq, tassungalu tunngasumik akissuteqarluni , taamaaliorporlu naak soqutaanngikkaluartoq. Tassami oqaatsit illuinnasiunnginerup aamma kiffaanngissuseqarnerullu isumaat tamatigut atuuttussaapput, Anders Meilvang oqarpoq.

Taanna oqarpoq, imaanngikkaluartoq nalunaarusiaq ajoriniaramiuk. Naalakkersuisulliuna taaguutinik atornerluinerat maallatigigaa.

- Nammineq siunersortigisanit suliarineqarsimatilluni illuinaasiortuungitsutut oqaatigineqarsinnangisaannassaaq. Uteqattaaraluaraanni iluaqutaanngilaq. illuinnaasiortuungitsutut kiffaanngitssuseqartutullu suli oqaatigineqarsinnaangilaq, Transpancuy International Greenlandip siulittaasua, Anders Meilvang oqarpoq.

Naalakkersuisut siulittaasuat, Aleqa Hamond imaluunniit aatsitassaqarnermut naalakkersuisoq, Jens Erik Kirkegaard, isornartosiutinut akissuseqarnissaanut Raduioaviisimiit periarfissikkaluarpagut, taakkuali oqaseqarumanngillat.