Ataatsimut isigalugu: Naalakkersuisunut ilaasortat nutaat aaku
Inuit Ataqatigiit Nalerarlu Naalakkersuisunik nutaanik ulluni inissiipput. Inuit Ataqatigiit arfineq-pingasunik Nalerarlu marlunnik naalakkersuisuutitaqarnissaat partiit taakku marluk isumaqatigiissutigaat. Naleraq Inatsisartuni aamma siulittaasuutitaqassaaq.
Naleqqap siulittaasua, Hans Enoksen Inatsisartunut siulittaasunngussaaq.
Inuit Ataqatigiit Naleqqamiillu atuuffigineqartut Naalakkersuisut nutaat aaku:
- Naalakkersuisut siulittaasuat: Múte Bourup Egede, Inuit Ataqatigiit.
- Aningaasaqarnermut Nunamullu imminermut Naalakkersuisoq: Asii Chemnitz Narup, Inuit Ataqatigiit.
- Inuussutissanut, Niuernermut, Nunanut allanut Silallu pissusianut tunngatillugu Naalakkersuisoq: Pele Broberg, Naleraq.
- Aalisarnermut Piniarnermullu Naalakkersuisoq: Aqqaluaq B. Egede, Inuit Ataqatigiit.
- Isumaginninnermut Suliffeqarnermullu Naalakkersuisoq: Mimi Karlsen, Inuit Ataqatigiit.
- Ilinniartitaanermut, Kulturimut, Timersornermut Ilageeqarnermullu Naalakkersuisoq: Peter Olsen, Inuit Ataqatigiit.
- Peqqinnissamut Naalakkersuisoq: Kirsten L. Fencker, Naleraq.
- Nunalernermut, Imminut Pilersornermut, Nukissiuutinut Avatangiisinullu Naalakkersuisoq: Kalistat Lund, Inuit Ataqatigiit.
- Ineqarnermut, Attaveqaqatigiinnermut, Aatsitassanut Naligiissitaanermullu Naalakkersuisoq: Naaja H. Nathanielsen, Inuit Ataqatigiit.
- Meeqqanut, Inuusuttunut, Ilaqutariinnut Inatsiseqarnermullu Naalakkersuisoq: Eqaluk Høegh, Inuit Ataqatigiit.
Naalakkersuisut nutaat IA-p Naleqqallu ataatsimut inissitsigaat Inatsisartunut sapaatip akunnerata tulliani tallimanngornermi innersuutigineqassapput. Inatsisartunut ilaasortat tassani ilaasortanik innersuunneqartunik akuerseqqaassapput.
AAMMA ATUARUK Inatsisartunut qinikkat ukuupput
Aamma Inatsisartunut ilaasortanik Naalakkersuisunut ilaasortanngortunut nangitsisussanik sinniisussanik inissiisoqassaaq.
Inuit Ataqatigiit Nalerarlu naalakkersuisooqatigiinnissamut isumaqatigiissummik Nuummi kulturikkut illorsuarmi Katuami ullumi atsioqatigiipput.