Ataatsimut isigalugu: Kommunalbestyrelsit nutaat aaku
Nunatsinni kommuninit tallimanit sisamani kommunalbestyrelsit inissititereerput. Tassa taakku inissisititeriffiusumik atatsimeereerput suleqatigiinniarnertillu naammassereerlugit.
Avannaata Kommuniani kommunalbestyrelse suli inissinneqanngilaq. Qaanaamit pigisaanillu Upernaviullu nunaqarfiinit Nutaarmiunit Innaarsunnillu qinersinermi paasissutissat suli amigaataammata.
Naatsumilli oqaatigalugu Avannaata Kommuniani Siumut borgmesterinngortitsissaaq borgmesterillu tullersortaatut siullertut atorfik Naleqqamit pissarsiarineqassalluni. Kikkut borgmesterip tullersortaatut aappaattut atorfinitsitsissanersut suli qulakkeerneqanngilaq.
Kommune Kujalleq
Nunatta kujataani kommunalbestyrelsit maajip ulluisa aallaqqaataani arfininngornermi inissititeriffiusumik ataatsimiipput. Kommune Kujallermi Inuit Ataqatigiit oqaluttuarisaanermi aatsaat siullermeertumik borgmesteriutitaqalerput.
Inuit Ataqatigiinniimmi, Stine Egedep Siumut atuuffimminnit tassanga peersippaa borgmesterillu allaffianiilerluni.
Qinigaalluartormi, Stine Egede IA-llu sinneri kommunimi Kuannersuit inissisimaffigisaanni taaguunneqarluarput.
Narsallu eqqaani Kuannersuarni aatsitassarsiornermik suliniut qineqqusaarnermi sammineqangaatsiarpoq. Inuit Ataqatigiit aatsitassarsiornermik suliniut uranimik piiaanissamik ilaqarnera pissutigalugu unitsinniarpaat.
Stine Egede kommunimiut qinersinermi 410-nit taaguunneqarpoq.
Siumumit Simon Simonsen taaguunneqarnerpaat tullulluni - 229-nit taaguunneqarpoq.
Borgmesteriusimasoq, Siumumit Kiista P. Isaksen 186-init taaguunneqarpoq.
Kommunalbestyrelsit sinneri ukuupput:
Stine Egede (IA) borgmesteri, Naja Lund (IA), 1. viceborgmesteri, Henning Jensen (IA), Bibi Kielsen (IA), Sofia Olesen (IA), Angutitsiaq Isbosethsen (IA), Pipaluk Larsen-Petersen (IA), Piitaq Lund (IA), Simon Simonsen (S), Kiista P. Isaksen (S), Margrethe Thaarup Andersen (S) 2. viceborgmester, Manasse Semsen (S), Karen Marie Kyed Frederiksen (S), Anders Olsen (S), Kim Ezekiassen (A)
Kommune Qeqertalik
Qeqertalimmi kommunalbestyrelsit maajip ulluisa pingajuanni ataasinngornermi inissititeriffiusumik ataatsimiipput.
Inuit Ataqatigiinnit Ane Hansen borgmesteritut atuutiinnarpoq.
Kommunimili tassani IA-mit Peter Olsen taaguunneqarnerpaavoq - taamaalillunilu borgmesterinngorsinnaalluni.
Taassumali naalakkersuisunngornissani toqqarpaa - taamaammat parteeqataa, Ane Hansen borgmesteritut atuuteqqittussanngorluni.
Inuit Ataqatigiit, Siumut, Demokraatit Atassullu kommunalbestyrelsimut qinigaatitaqarput, taakkulu tamarmiullutik suleqatigiinnissamik isumaqatigiissuteqarput.
Kommunalbestyrelsit sinneri ukuupput:
Ane Hansen (IA) borgmesteri, Bia A. Broberg (IA), Mariane S. Larsen (IA), Hans Aronsen (IA), Frantz Lundblad (IA) 1. viceborgmesteri, Niels Kristensen (IA), Karl Thue Nathanielsen (IA), Klaus Lundblad (IA), Kristian Jeremiassen (S), Aqqa Samuelsen (S) 2. viceborgmester, Nikkulaat Jeremiassen (S), Ole I. Frederiksen (S), Enok Sandgreen (S), Simigaq Heilmann (D), Naja Kristensen (A).
Qeqqata Kommunia
Kommunalbestyrelsinngortut pingasunngormat inissititeriffiusumik ataatsimiipput. Siumut, Inuit Ataqatigiit Atassullu amerlanerussuteqartumik inissisimalerlutik suleqatigiinnissamik isumaqatigiissuteqarput.
Naleraq sisamanik qinigaatitaqartoq kisimiilluni illuatungiliuttuniilerpoq.
Siumut:
Malik Berthelsen (borgmesteri)
Evelyn Frederiksen
Barnabas Larsen
Gideon Lyberth
Kirstine Olsen
Aqqalu Skifte.
Inuit Ataqatigiit:
Nivi Heilmann Efraimsen
Juliane Enoksen
Mimi Karlsen
Atassut:
Siverth K. Heilmann
Anna Karen Hoffmann.
Naleraq:
Abel Enoksen
Hans Enoksen
Karl Lyberth
Paneeraq Olsen
Hans Enoksen kommunalbestyrelsimit sulinngiffeqarnissaminik qinnuteqarpoq - taanna Inatsisartunut siulittaasunngoqqammerpoq. Tassuna taarsiullugu Steffen Johansen kommunalbestyrelsimut ilaalerpoq.
Mimi Karlsen aamma Naalakkersuisunut ilaasortanngorpoq. Tassungalu taarsiullugu Maalia Larsen Rosing kommunalbestyrelsiniilerluni.
Kommuneqarfik Sermersooq
Kommuneqarfik Sermersuumi Inuit Ataqatigiit Naleraq Demokraatillu peqatigalugit amerlanerussuteqarluarlutik suleqatigiilerput.
Taakku kommunalbestyrelsimut qinigaaffinnit 19-init 13-t inissiffigaat:
Inuit Ataqatigiit:
Charlotte Ludvigsen (borgmester)
Harald Bianco
Inge Olsvig Brandt
Juaaka Lyberth
Naya-Sophia Lyberth
Mia Skifte Lynge
Avaaraq S. Olsen
Lone Rosengreen Pedersen
Uju Petersen.
Demokraatit:
Justus Hansen
Poul Petersen.
Naleraq:
Pele Broberg
Ken Madsen
Siumut kisimiilluni illuatungiliutilerpoq:
Martha Abelsen
Peter Davidsen
Mala Høy Kúko
Inga Dora G. Markussen
Dorthe-Marie Mogensen-Fontain
Laura Táunâjik Uitsatikitseq
Naleqqamit Emanuel Nûko aamma Siumumit Emanuel Møller kommunalbestyrelsimit sulinngiffeqartut Pele Broberg (N) aamma Laura Táunâjik (S) taarserlugit iserput.
Pele Broberg inuussutissarsiornermut, niuernermut, nunanut allanut silallu pissusia pillugu naalakkersuisunngornini pissutigalugu sulinngiffeqarpoq, Laura Táunâjillu meerartaarnermi sulinngiffeqarluni.