Sassaalliisarfiit immikkut ittumik aaqqissuussisoqarnerani, tassa peqataasut imminnut ilisimareerneranni nalunaaqutaq 23.00-ip kingornanut ammasinnaalissapput.Assi: Scanpix

Ataatsimut isigalugu: Danmarkimi sammisassaqarfiit filmertarfiillu ammaqqilersut festivaalit taamaatiinnarneqartut

Imerniartarfinnut neriniartarfinnullu takkutinnginnermi minutsit 30-t sioqqullugit nerrivissamik inniminneeqqaartarneq aamma atorunnaarpoq.

Danmarkimi timigissartarfiit filmertarfiillu sisamanngorpamit ammaqqissapput meeqqallu tamarmik atuariartoqqissinnaalissallutik.

Danmarkimi naalakkersuisut Venstre, Dansk Folkeparti, SF, Radikale Venstre, Enhedslisten, Det Konservative Folkeparti, Liberal Alliace aamma Alternativet peqatigalugit Danmarkimi ammaasoqarneroqqinnissaanut isumaqatigiissut isumaqatigiissutigaat.

Isumaqatigiissummi immikkoortut pingaarnerit ataatsimut isigalugit uani takukkit:

Uku tulliuttut sisamanngorneq maajip ulluisa arfernanni ammaqqissapput:

  • Imerniartarfinnut neriniartarfinnullu takkutinnginnermi minutsit 30-t sioqqullugit inniminneeqqaartarneq atorunnaassaaq.
  • Sassaalliisarfiit immikkut ittumik aaqqissuussisoqarnerani, tassa peqataasut imminnut ilisimareerneranni nalunaaqutaq 23.00-ip kingornanut ammasinnaalissapput.
  • Inuit namminneq nalliuttorsiortitsinerisa kingusinnerpaamik nalunaaqutaq 23.00-imi unittarnissaannik piumasaqaat atorunnaarsinneqassaaq.
  • Illup iluani timersortarfiit timigissartarfiillu 18-ileereersimasunut coronamullu akiuussutisserneqarsimanermut passimik takutitsisinnaasunut ammassapput.
  • Sammisassaqarfiit, isiginnaartitsisarfiit filmertarfiillu 2000-init immikkoortunut isersimasinnaasunut 500-kkaartunut isersimaffigineqarsinnaalerlutik ammaqqissapput, coronamullu akiuussuserneqarsimanermut passimik takutitsiffioqqaartarnissaat piumasaqaataassalluni.
  • Inuussutissarsiornermut sulianullu tunngassuteqartunik ataatsimeersuarnerit ataatsimiinnerillu 1000-init immikkoortunut isersimasunut 500-kkaartunut peqataaffigineqarsinnaalersillutik ammaqqissapput, taakkunanilu peqataasut amerlanerpaartaat issiasuusussaallutik.
  • Illup iluani katerinnissamut killissaritinneqartoq 25-nut silamilu 75-inut qaffanneqassaaq
  • Meeqqat atuarfiini atuartut tamarmik piffissaq tamakkerlugu atuarsinnaaleqqissapput.

Uani tulliuttut tallimanngornermi maajip ulluisa 21-anni ammaqqissaput:

  • Inuusuttut inersimasullu ilinniarfiini atuartut tamarmik takkussinnaaleqqissapput.
  • Ilinniarfinni ingerlariaqqiffiusuni atuartut ullormut atuartitsiviusussap affaanut takkussinnaaleqqissapput.

 

 

Akianilli aasaanerani festivaalertitsinerit assigiinngitsut taamaatinneqarput. Taakkunani peqataasunut killilersuinerit annertuallaarnerat pissutigalugu taamaatitsiinnartoqarpoq.

Silami peqataasut nikorfaannarfigisassaanni aaqqissuussinerit festivaalertitsinerillu maajip ulluisa 21-annit aggustip ulluisa aallaqqaataata tungaanut 2000-init peqataaffigineqarsinnaassapput. Aggustip ulluisa aallaqqaataata kingorna peqataasut 5000-it tikissinnaassavaat.

Piffissami siullermi peqataasut immikkoortunut amerlanerpaamik 200-kkaartunut immikkoorterneqassapput.

Aggustip ulluisa aallaqqaataata kingorna immikkoortukkaartuni 500-kkaartoqarsinnaassaaq.

Festivaalertitsinerit uku maannamut taamaatinneqareerput:

  • Roskilde Festival: Juunip 26-anit – juulip pingajuanut.
  • Northside: Juunip pingajuanit tallimaanut.
  • Tinderbox: Juunip 24-anit – 26-anut.
  • Copenhell: Juunip 16-anit – 19-ianut.
  • Smukfest: Aggustip sisamaanit arfineq-pingajuanut. Allatut aaqqissuussisoqarnissaanut periafissat misissorneqarput.
  • Jelling Musikfestival: Maajip 20-anit – 23-anut. 
  • Heartland Festival: Maajip 27-anit – 29-anut.
  • Herning Rocker: Maajip 28-anit – 29-anut.
  • Vilde Vulkaner: Juunip 29-anit – 30-anut.
  • Kløften Festival: Juunip 24-anit – 26-anut.
  • Thy Rock: Juunip 25-anit – 26-anut.
  • Nibe Festival: Juunip 30-anit – juulip pingajuanut.
  • Vig Festival: Juulip 8-anit – 10-anut.
  • Langelandsfestival: Juulip 17-ianit – 24-anut.
  • Musik i Lejet: Juulip 22-anit – 24-anut.
  • Ringsted Festival: Aggustip tallimaanit arfineq-aappaanut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat