Ataatsimiititaliat avissaaqqapput
Naalagaaffeqatigiit isertortumik paasiniaasartuisa, CIA-p, EU-Parlamentimi ataatsimiititaliai nalunaarusiamik akuersissuteqassallutik unnugu naapikkunik avissaaqqangaatsiassapput. Nalunaarusiaq pineqartoq ataatsimiititaliami siulittaasup, Claudio Favap, katitigaraa.
Peqqarniisaartartutut pasisanik Europami parnaarussivinnut isertortunut assartuinerminni, CIA-p Europamik qulaavaanissamut europamiut naalakkersuisuinit akueritittarsimanersut nalunaarusiami oqaatiginiarneqarpoq.
Suliat unioqqutitsinertallit misissuivigineqarnissaat pinerullugu ataatsimiititaliap katiterneqarnikuusup, nalunaarusiami qanoq allassimasoqassanersoq isumaqatigiissutigisinnaanngilaa. Nalunaarusiaq Inatsisartunit juulip qaammataata aallartilaarnerani taasissutigineqassaaq.
