Avannaata Kommunia ombudsmandimit qaammatip ataatsip ingerlanerinnaani aappassaa isornartorsioraa.Assi: Qaasuitsup Kommunia

Ataatsimiititaliaq: sulianut kukkuluttornerit unitsikkusuppakka

Kommunimi isumaginninnikkut kukkusumik suliat ombudsmadnimit isornartorsiorneqaqqittoq. Tamatumuuna meeqqanut angerlarsimaffiup avataanut inisinneqarsimasunut suliat arfiniliusuni tallimat eqqunngitsumik suliarineqarsimanerat isornartorsiorpaa.

Avannaata Kommuniani ilaqutariinnut ataatsimiititaliami siulittaasoq isumaginninnerup iluani kukkusamik suliaqasimanermut nassuerutiginneqqittariaqalerpoq.

AAMMA ATUARUK Kommunit Danmarkimut sulisunik, inissanik ilinniarsimasunillu ikioqqusut

- Soorunami uanga siulittaasutut taakku akisussaaffittut tigullugit taamatut pisoqaqqinnginnissaanut suliniutit massakkut aallarteruttorput. Avannaata Kommuniani ilaqutariinnut ataatsimiititaliami siulittaasoq Apollo Mathiassen taama oqarpoq.

Avannaata Kommunia isumaginninnikut suliami ukiuni tallimani uninngatitsisimammat, ombudsmandip sapaatip akunnerata siuliani sakkortuumik isornartorsiorneqarpoq tassalu Qaasuitsup Kommuniugallarmalli suliat taakku aallartinneqarsimapput.

Maannalu meeqqanut angajoqqaajusup akuerisaannik angerlarsimaffiup avataanut inissinneqarsimasunut suliat arfinillit taakkunannga tallimat kukkusamik suliarineqarsimammata, ombudsmandi sapaatit akunnerata ataatsip ingerlanerinnaani marloriarluni isornartorsiuivoq.

Avannaatali Kommuniani isumaginninnikut sulianik kukkuluttortoqaqqinnginnissaa siulittaasup anguniarlugu, kommunip isumaginninnikkut sulisui oqilisaanneqarniartut siulittaasoq oqarpoq.

- Illoqarfinni sulisunik pikkorissaanerit. Siunissamullu suleriusissat tamarmik assigiimmik sullinneqarlutik piffissarlu eqqorlugu sullinneqartarnissaannut periusissiaq sananeqarput.

AAMMA ATUARUK Avannaata Kommunia illoqarfiup ineriartortinnissaanut ingerlatseqatigiiffiliortoq

Taamaakkaluartorli isumaginninnikkut suliat suliarineqassappata sulisunik avataaniit atorfissaqartitsineq pisariaqartoq ilaqutariinnut ataatsimiititaliami siulittaasoq Apollo Mathiassen nassueruteqarpoq.

- Qimarratigissanngilara pisariaqartitsigatta. Inunnik isumaginninnermut atorfillit tungaasigut amigaateqartorujussuuvugut. Taamaammat isumaqarpunga suliat utaqqisariaqartartut pillugit mininneqarata peqataatinneqarnissarput pissusissamisuuinnartoq. Tassami sulisugut oqilisaanneqarnissaminnik pisariaqartitsipput.

Isumaginninnermut Naalakkersuisoq naapikkumavaa

Avannaata Kommuniani ilaqutariinnut ataatsimiititaliami ilaasortat Ilulissani tallimanngorpat naapissapput, isumaginninnikkut suliat qanoq pitsanngortinneqarnissaat oqaluuserissallugit. Taamaalioreerunik illoqarfiit nunaqarfiillu tikeraassavaat. Siulittaasullu oqarnera naapertorlugu taanna angalareernermi isumaginninnermut naalakkersuisoq Nuummut oqaloqatigiartorniarlugu pilersaaruteqarpoq.

AAMMA ATUARUK Qaasuitsup ombudsmandimit isornartorsiorneqarnini akueriinnarpaa

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat