Ataatsimiititaliaq angalaaqqilerpoq
marsip 29-at 2005 08:50
Kommunit aaqqissuusaanerannut ataatsimiititaliaq kommuneqarfinni tamani ataatsimiititsissalluni pilersaaruteqarpoq.
Aaqqissuusaanermut ataatsimiititaliaq qaammatini tulliuttuni Paamiunut, Nanortalimmut, Aasiannut, Upernavimmut, Qaannaamut, Illoqqortoormiunut Tasiilamullu tikeraarnissartik innuttaasunillu ataatsimiinissartik pilersaarutigigaat oqaatigineqarpoq.
Apriilip 11-aniit 14-ianut Aasiaat tikeraarneqassamaarput, majillu qaammataani Nanortalik, Upernavik Qaannaarlu orninneqassamaarlutik.
Kikkut tamarmik oqalliseqataanissamut periarfissaqarnissaat pillugu ataatsimiititaliaq ilisimatitsissuteqartuarnissartik aamma aaliangiusimagaat KANUKOKA-mit ilisimatitsissutigineqarpoq.