Ataatsimiititaliaq akornusiivoq

Ålborgip umiarsualiviata nassiussassanik nunatsinnut attaveqaataanissaa inatsisartuni aningaasaqarnermut ataatsimiititaliap apeqqusinngikkaluarlugu, kisermaassinermut assingusumik inissisimasutut isigalugu naalakkersuisunut paasissutissanik erseqqinnerusumik piumasaqarput.

Aningaasaqarnermut ataatsimiititaliami ilasortat naalakkersuisut Ålborgimi umiarsualiviup nunatsinnut attaveqaataanissaannik innersuussutaa misissoreerlugu pissutsit piviusut takuniarlugit Ålborgimut Esbjergimullu angalapput.

Aningaasaqarnermut ataatsimiititaliami ilaasortat isumaqarput Ålborgimi umiarsualivik sullissinermini kisermaassisoq misissoqqinneqartariaqartoq.

Nunatsinni suliffeqarfiit, soorlu aalisakkanik tunisassiortut, Ålborgimi umiarsualivimmit akikinnerusumik kiffartuunneqarsinnaanngitsut Simon Olsen isumaqarpoq.

Naallu misissuisoqareersimagaluartoq, suli apeqqutinik akineqanngitsunik peqartoq, naalakkersuisullu erseqqissaaqqittariaqartut Simon Olsen oqarpoq.

- Qulaajasoqarluareerpat, apeqqutigullu akinereeriarpata umiarsualivik sorleq attaveqaataassanesoq aalajangerneqarumaarpoq,

aningaasaqarnermut ataatsimiittialiap siulittaasua Simon Olsen oqarpoq.

Aningaasaqarnermut ataatsimiititaliap siunnersuisarfiup Carl Brop nalunaarusiaa aamma takorusukkaat, Simon Olsen oqarpoq.