Ataatsimiititaliap naalakkersuisut uparuarpai

juulip 22-at 2005 14:11

- Naalakkersuisut nalunngittariaqarpaat inuiaqatigiit aningaasaataat namminermut atortussaanagit, Inatsisartut kukkunersiuinermut ataatsimiititaliaata siulittaasua Isak Davidsen Sermitsiamut ullumi saqqummertumut taama oqarpoq.

Nalakkersuisuni ilaasortat Henriette Rasmussenip, Johan Lund Olsenip, Asii Chemnitz Narupip, Josef Motzfeldtip aamma Naalakkersuisut siulittaasuata Hans Enoksenip aningaasat ilassinnissutissatik atornerlussimagaat allaaserineqarpoq.

Sermitsiaq naapertorlugu Hans Enoksenip Naalakkersuisunut ilaasortat pingasut Mary Arctica atoqqaartinneqarmat nereqatigisimavai. Ilulissani mamakujuttusisimavoq. Johan Lund Olsen Hotel Qaqortumi Kangerlussuarmilu immiaaqqanik, imigassanik kimittuunik sodavand-ininillu pisisimavoq. Inuit arfinillit 11.500,00 koruunit nalinginut nereqatigisimavai. Josef Motzfeldt arlaleriarluni tunissutissarsisimavoq kiisalu sanilitik ukiortaarsiortissimallugit. Asii Chemnitz Narup sukkulaatinik manniusaaralianik sulisuni pitsissimavai 1.370,00 koruuninik naleqartunik, ataasinngornerillu tamaasa allaffimmini naasuutissaminik kipisanik pisisarsimalluni.

Naalakkersuisunut ilaasortat ilaat aningaasat allanut atorsimasatik taarserniarlugit oqareerput.