Ataatsimiititaliani siulittaasussanik toqqaasoqarpoq

Aningaasaqarnermut akileraartarnermullu ataatsimiititaliami siulittaasunngorpoq vil Finn Karlsen (S). Inatsisinik ataatsimiititaliami siulittaasunngorpoq Doris Jakobsen (S), Kim Kielsenilu (S) sanaartornermut ataatsimiititaliami siulittaasunngorluni. Atassummeersoq Siverth K. Heilmann inuussutissarsiornermut ataatsimiititaliami siulittaasunngorpoq.

Ki Kielsen Eqqissisimatitsinermut Avatangiisinullu Ataatsimiititaliami aatsitassanullu ataatsimiititaliami siulittaasunngorpoq. Kim Kielsen taamaasilluni Inatsisartuni ataatsimiititaliani pingasuni siulittaasuuffeqalerpoq.

Ilaqutariinnermut Peqqissutsimullu Ataatsimiititaliami siulittaasuussaaq Lars P. Mathæussen (PI), Kukkunersiuinermullu Ataatsimiititaliami  Kristian Jeremiassen (S) siulittaasuussaaq.

Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliami Randi Broberg (PI) siulittaasuussaaq, Per Berthelsenilu Nunanut Allanut Sillimaniarnermullu Ataatsimiititaliami siulittaasuussalluni.

Qinigaanerup Misilinneqarnissaanut Ataatsimiititaliami siulittaasunngorpoq Evelyn Frederiksen(S). Aalisarnermut, Piniarnermut Nunalerinermullu Ataatsimiititaliami siulittaasuuffik aqagu aatsaat inuttalerneqarumaarpoq.

Inatsisartut ullumi immikkut ittumik ataatsimiinnerminni Vera Leth Inatsisartut Ombudsmandiatut toqqaqqippaat. Vera Leth februaarip aallaqqaataani 1997-imiilli tassani atorfeqarpoq.