Kalaallit Airportsip Munck Gruppillu isumaqatigiissutaata imarisaanik naammaginartumik paasissutissinneqannginneq ataatsimiititaliami amerlanerussuteqartut naammaginngilluinnarpaat.Assi: Kalaallit Airports/Youtube

Ataatsimiititaliami siulittaasup mittarfiit pillugit paasissutissinneqarnissaq piumasarigaa

Naalakkersuisut Kalaallit Airportsip Munck Gruppillu isumaqatigiissutaat pillugu aningaasaqarnermut ataatsimiititaliamut paasissutissiisariaqarput. Aningaasaqarnermut akileraartarnermullu ataatsimiititaliap siulittaasua taama isumaqarpoq.

Nuummi Ilulissanilu mittarfiliornissamut isumaqatigiissutip imarisaata aningaasaqarnermut akileraartarnermullu ataatsimiititaliamut paasissutissiissutigineqarnissaata tungaanut mittarfiliortiternissamut isumaqatigiissutip atsiorneqarnissaata kinguartinneqarnissaa ataatsimiititaliap tallimanngormat piumasaraa.

Ataatsimiititaliap siulittaasuata Hermann Berthelsenip isornartorsiutini KNR-imut itisilerpai.

- Aningaasaliisussatut Inatsisartutut isumaqarpunga tupinnartuliaanngitsoq suut aningaasalersorneqassanersut paasiniarneranni akineqarnissarput, Hermann Berthelsen oqarpoq.

Kalaallit Airportsip Munck Gruppillu isumaqatigiissutaata imarisaanik naammaginartumik paasissutissinneqannginneq ataatsimiititaliami amerlanerussuteqartut naammaginngilluinnarpaat. Taamaammat aningaasaqarnermut akileraartarnermullu ataatsimiititaliami piaartumik siunersioqatigiinnissamut tallimanngormat aggersaasoqarpoq, tassanilu suliaq oqallisigineqarluni.

AAMMA ATUARUK Finansudvalget vil have stoppet underskrivelse af lufthavnsaftale

Ataatsimiititaliaq paasissutissinneqarnissamik siusinnerusukkut qinnuteqarsimasoq Hermann Berthelsen oqarpoq.

Hermann Berthelsen (S) aningaasaqarnermut akileraartarnermullu ataatsimiititaliami siulittaasuuvoq Hermann Berthelsen (S) aningaasaqarnermut akileraartarnermullu ataatsimiititaliami siulittaasuuvoq

- Isumaqarpunga pinngitsooratik tunniutissagaat. Naammagittaalliutigut kopeertaqattaarsinnaanngilagut, Hermann Berthelsen oqarpoq.

Kalaallit Airports oqaaseqarusunngitsoq

Inatsisartuni amerlanerussuteqartut mittarfiliortiternissat siorna akuersissutigimmassuk, Hermann Berthelsen akuersissuteqartunut ilaavoq.

Naalakkersuisut ataatsimiititaliamut paasissutissiinissaat pillugu qanoq iliuuseqarniarnerluni Berthelsenip itisilerusunngilaa.

- Pisortatigoortumik sulisuugatta ataasiaannarluni allanneq naammakkaluarpoq, taannalu Naalakkersuisut naammassissallugu pisussaaffigivaat, Hermann Berthelsen oqarpoq.

Partii Naleraq Inuit Ataqatigiillu isumaqatigiissutip atsiorneqarnissaa pillugu isornartorsiuisunut ilaapput.

Tassalu ataatsimiititaliami amerlanerussuteqartut atsioqatigiinnissamik kinguartitsinissaq piumasaraat.

Demokraatit, ataatsimiititaliami ataatsimik ilaasortaqartut, isumaqatigiissummik suli tapersiipput.

KNR Naalakkersuisut siulittaasuannik Kim Kielsenimik apersuiniarsarigaluarpoq sulili iluatsinnagu.

Suliarlu Kalaallit Airportsimit oqaaseqarfigineqarusunngilaq.

- Pisoq oqaaseqarfigerusunngilarput, piginnittugullu saaffigeqqullugit, Kalaallit Airport A/S-ip Sanaartornermut pisortaanerup tullia Aviaaja Karlshøj Knudsen KNR-imut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat