Ataatsimiititaliami siulittaasoq: Naanguku suleqatikka?

Ataatsimiititaliami ilaasortat ataatsimiinnermi peqataasussaatinnatik nalunaartannginnerat sinniisussamillu aggersaasannginnerat ataatsimiititaliami siulittaasumit Kristian Jeremiassenimit maanna qisuariarfigineqarpoq.

Ataatsimiinnissanut peqataasinnaannginneq pissutigalugu allattoqarfiup ataatsimiiffissamik nutaamik allannguisariaqartarnera pissusissamisuunngilaq, siulittaasoq taama allappoq.  

Aamma atuaruk Qaasuitsup Kommunia suleriaatsinik sukaterilerpoq

Innuttaasut sullinneqartut pillugit suliat ataatsimiititaliami suliarissatillugit ataatsimiinnerit pinngitsoortinneqartassappata tamanna kommunip isigineqarneranut pitsaasuunngilaq.

Taamaattumik ilaasortat aalaakkaasumik ataatsimiigiartarnissaat, Qaasuitsup kommuneanni isumaginninnermut ataatsimiititaliami siulittaasup kaammattuutigivaa.