Assi: KNR

Ataatsimiititaliaagallartup Inatsisartuni ilaasortat misissuiffigigai

Qinersisartut Inatsisartunut qinersereerput. Kikkulli inatsisartunut ilaasortaassanersut suli aalajangersimanngilaq. Qinigaasummi qinigaasinnaassuseqartariaqarput. Tassalu qinigaasut pinerluuteqarsimagunik, inatsisinulluunniit unioqqutitsisutut akiligassinneqarsimagunik Inatsisartunut ilaasortaanerminni ataqqinaataarussinnaapput, qinigaasinnaasusiiagaallutillu.

Inatsisartut allattoqarfianneersoq Kent Fridberg naapertorlugu, politikerit qinigaasinnaasuseqarnersut Inatsisartut namminneerlutik aalajangertarpaat. Tamanna ataatsimiititaliap immikkuullarissup, tassalu Qinigaanerup misilinneqarnissaanut ataatsimiitsitaliaagallartup, inassuteqarneranit pisarpoq.

Ataatsimiititaliaq, qinigaasunut pinerluuteqarsinasut allattorsimaffianni nalunaarsorneqarsimasunik nalilersuiffiusussaq, tallimanik ilaasortaqartarpoq.

Inatsisartunilu ukiuni 23-ini ilaasortaasoq, Partii Naleqqameersoq Hans Enoksen sivisunerpaamik ilaasortatut qinigaanerup misilinneqarnissaanut ataatsimiitsitaliaagallartumi siulittaasuuvoq, ataatsimiititaliamilu ilaasortassat sisamat sinneri Enoksenip siulittaasutut toqqassavai.

Ataatsimiitsitaliaagallartup nalilersuinerminni qularnanngitsumik naliliiffigisassaasa ilagaat, Partii Naleqqameersoq, Jens Napaattooq. Taanna ilassinnissutinik 128.000 koruuninik atornerluinermi kingorna Naalakkersuisunit 2005-imi soraarsitaavoq.

AAMMA ATUARUK Qinigassanngortittut arlallit siornatigut mamianartuliorsimasut

Jens Napaattooq qaammatini sisamani pinerluuteqarsimasunut inissiisarfimmiittussatut 2007-imi pineqaatissinneqarpoq.

Hans Enoksenilu partiimi sinnerlugu qinigaasoq pillugu ima oqarpoq.

- Jens Napatoq naluneqanngereerpoq qanoq iliorsimasoq. Taava taamaakkaluartoq qinigaavoq. Ilaa aamma pineqaatissinneqarnikuuvoq naammassereernikuuai, sassaqqikkami qinigaaqqippoq. Taava taakkua innuttaasut, Hans Enoksen taama oqarpoq.

Jens Napaattooq pissangalluni utaqqilluni KNR-imut oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat