Ataatsimiinngitsoorput

Iranimi atomip nukinga atorlugu nukiussiuteqarneq ullumi EU-mi qullersat peqatigalugit Iran-ip ataatsimeeqateqarnissaagalua kinguartinneqarpoq. Tallimanngorpalli ataatsimiissutigineqarsinnaassasoq, Iranip aallartitaasa ilaat oqarpoq.

Atomimik nukissiuteqarneq pillugu nunarsuaq tamakkerlugu ataatsimiisitaliamut Iranimiut aallartitaat Aliasghar Soltanieh oqarpoq, ataatsimiinnissaq Wien-imi ingerlanneqartussaagaluartoq, paasiuminaatsinneqartumik sulisoqarsimanera pissutaalluni kinguartinneqarsimasoq.

Iran-ip atomip nukissiutaanik atugaqarnera amerligaluttuinnartunit akerlerineqaleraluttuinnarpoq.

Iran-ip atomip nukinganik atuilluni nukissiuteqarnera FN-imit apeqquserneqartarsimavoq, Iran-imullu aningaasatigut ajoqusersuinissamik FN-ip peqqusisimanera, maannakkut aamma Rusland-imit tapersersorneqarnialersaartoq, Rusland-imi nunanut allanut ministeria Sergej LavrovAfrikamut kujallermut tikeraarnermini ullumi oqarpoq.

Lavrov-illi erseqqissarpaa, Iran-imi Teheranimi sakkutuulersuinissaq Rusland-ip suli akerlerigaa.