Ataatsimiinnernik kinguartitsinerit isornartorsiorneqarput

Inatsisartut ilaqutariinnermut ataatsimiititaliaata ataatsimiinnissaa marloriarluni taamaatsiinnarneqarnera, Atassut sinnerlugu inatsisartunut ilaasortap Emilie Olsenip apeqquserpaa, ataatsimiissutigineqartussat pingaaruteqarmata piaartumik ataatsimiittoqarnissaa taassuma ujartorpaa.
Allattoq Mads Lynge
februaarip 08-at 2009 17:26

- Ajornartorsiutaasussaanngikkaluarpoq. Inatsisartunut ilaasortaavugut, suliassallu taama pingaaruteqartigisut utaqqisiinnarneqarnerat kinguarsarneqanerallu akuerisinnaanngilara, Emilie Olsen oqarpoq.

Ataatsimiinnernik kinguartitsinerit qanoq kinguneqarpat?

- Kinguneqarnerlutsitsivoq. Suliassanik kinguarsaaneruvoq. Meeqqat kaattut pillugit aaqqiissutissat ataatsimiissutigisussaagaluarpagut. Suliassat piaarnerpaamik naammassisariaqaraluarpagut, Atassut sinnerlugu inatsisartunut ilaasortaq Emilie Olsen oqarpoq.

Ilaqutariinnermut ataatsimiititaliaq pilersaarutit naapertorlugit januaarip 29-ani ataatsimiittussaagaluarpoq, februaarilli tallimaanut kinguartinneqarluni. Ataatsimiinnissarli taanna aamma kinguartinneqarpoq, maannalu februaarip qulingani ataatsimiittoqartussanngorluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq