Ataatsimiinneq iluatsitsiffiunnginnerarpaat

Kangiani Qiterlermi eqqisseqatigiittornissaa siunertaralugu USA-mi Annapolisimi ataatsimiinneq Kangiani Qiterlermi aviisinit naliliisartunillu assigiinngitsumik nalilerneqarpoq.

Iluatsitsinngitsoorneq, kukkuneq, perulluliornerit tassa tamakku oqaatsit Annapolis-imi ataatsimiinnermut kangiani qiterlermi aviisinit naliliisartunillu taggisiunneqartut. Naliliineq sakkortunerpaaq Iran-imeerpoq.

Annapolisimi ataatsimiinneq naliliisartunit arlaqaqisunit Israelip Palæstinallu akornanni pisunut Iranip nunanit ingasaassiniarnerunngitsunit avissaartinniarneqarnerattut nalilerneqarpoq.

Iranip præsidentia Mahmoud Ahmadinejad oqarpoq araberit naalagaaffii peqataasut kukkusut, Iranimiullu aviisiisa arlaat allappoq ataatsimiinneq tassaaginnartoq USA-p ikinngutaasalu kaffisorusaarnerat.

Hamas-i Gazamik ingerlatsisoq aamma ataatsimiinnernut qaaqqusanngitsoq tassunga ajunngitsunik isumminngilaq. Aviisi Hamas-imik tapersersuisoq allappoq ataatsimiinneq palæstinamiunik avissaartitsissasoq, tamannalu paasineqassasoq innuttaassutsikkut nunatigullu. Nunalli peqataasut ajunnginnerumaanik nalunaaruteqarput, Syria USA-mut illua’tungiliutipajaartutut inissittartoq nalunaarpoq ataatsimiinneq killiffiusoq pingaartoq, naalakkersuisullu nalunaarutigaat ataatsimiinnerup ersersissagaa USA kangiani qiterlermi eqqissinissamut anguniaqarnermini qanoq pimoorussitiginersoq. Kuwaitimi naliliisartup aarlerisaarutigaa angusarineqarniartut piviusunngunngippata perulluliornerit kingunerineqaratarsinnaasut.

Israelimit nalunaarutaasut ataatsimiinnermut isumalluanngillat, DR-imi tusagassiortup Sten Nørskov-ip Jerusalemimi aviisi Haaretz atuarsimavaa. Aviisi isummanik paasiniaasimavoq, tassanilu erserpoq Israelimiut amerlanerit Annapolis-imi ataatsimiinneq iluatsinngitsutut nalilerneqartoq. Israelimiut 17 procentiinnaasa Annapolis-imi ataatsimiinneq iluatsittutut nalilerpaat affaasa iluatitsinngitsutut nalileraat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat