Ataatsimeersuarnissaq kinguartippaat

Aningaasaqarnikkut ajornartorsiorneq Islandimik sakkortuumik eqquisoq, patsisigalugu Reykjavikimi nunat Atlantikup avannaaniittut, inuussutissarsiorneq pillugu ataatsimeersuarnissaraluat, ukiup ataatsip missaanik kinguartinneqarpoq.
Allattoq Elisa Isaksen
oktobarip 31-at 2008 15:35

Ataatsimeersuarnissaagaluaq North Atlantic Economic Forumimit aaqqissuunneqartoq novembarip 21-anni 22-annilu pisussaagaluarpoq, aaqqissuisulli nalunaarutigaat, 2009-mi upernaakkut pisussanngorlugu kinguartinneqartoq.

- Nunanut Atlantikup avannaaniittunut tunngatillugu aningaasarsiornikkut siunissamut misissueqqissaarnerit ullumikkornit pitsaanerusumik taamanikkornissaanut saqqummiussinnaassavavut, aaqqissuisuni tusagassiisartoq Bogi Eliasen kinguartitsineq nassuiarlugu taama oqarpoq.